Санкт-Петербургская общественная организация "Общество памяти игумении Таисии"
Праволавная литература, богословие, богослужебные книги, акафисты
191144
Россия
Санкт-Петербург
Санкт-Петербург
ул Кирилловская, 11
+7 (812) 710 37 30
Назад в раздел
И.А. Глухов


И.А. Глухов

Иван Александрович Глухов (1927–1999) Түүл можын Суворовой районой Кулешово тосхондо һүзэгтэй таряашанай бүлэдэ түрөө. Тэрэ даруу номгон зантай, ажал хүдэлмэридэ бэрхэ, хүн зондо энэрхыгээр хандажа байха гэһэн үнэн алдарта шажанай ёһо гуримда хүмүүжүүлэгдэһэн байгаа. Тэрэнэй бүхы наһаараа энхэрэн хайрладаг, хүндэлдэг Евдокия Сергеевна эжынь үзэл бодолойнь бүридхэлдэ ехэхэн нүлөө үзүүлээ. 30-аад онуудта тэрэнэй бүлэ Москва хото шэлжээ, тэндэ Иван 1945 ондо һургуулияа түгэсөө, 1948 ондо барилгашадай техникум түгэсөөд, москвагай байрын захиргаанда технигээр хүдэлөө. Тэрэ Алексеевэй тосхоной Тихвиин һүмын бэшэрэн һүзэглэгшэ гэшүүн, тиин тахилай таһагта туһалха албатай һэн.

Оюун ухаанай талаар өөрыгөө хүмүүжүүлхэ һанаатайгаар И.А. Глухов 1951 ондо Москвагай Оюун ухаанай семинарида ороод, тэрэнэй 1955 ондо эрхимээр түгэсөө. Тиигэһэн хойнонь тэрэниие Москвагай Оюун ухаанай академидэ абаа. Академияа тэрэ 1959 ондо шажанай кандидат гэһэн эрдэмтэнэй нэрэ зэргэдэ хүртэн түгэсөө. Тэрэнэй диплом хамгаалха зохёол «Муу ёро болон тэрэнэй бэелэл тухай христиан шажанай һургаал» гэһэн темэдэ зорюулаатай байгаа. Академиин Зүблэлэй шиидхэбэреэр И.А. Глуховые Академидэнь профессорэй стипендиадаар үлөөгөөд, инспекторэй туһалагшаар томилбо. Тэрэ Семинаридэ катихизис, Ород Һүмын түүхэ, тиин 1972 онһоо эхилээд Академидэ сектоведени гэһэн хэшээлнүүдые заажа байгаа. Тэрэл ондо доцентын нэрэ зэргэдэ баталагдаа.

Ажал хүдэлмэриингөө түлөө И.А. Глухов Владимир тайжа гэгээнэй III-дахи шатын орденоор,  Сергий Радонежский гэгээнэй II-дохи ба III-дахи шатын орденоор, мүн Патриаршын үзэглэлөөр (грамотаар) шагнуулаа. 1995 ондо тэрэ Нангин Газараар аяншалаа. Амидаралайнгаа һүүлшын жэлнүүдтээ И.А. Глухов Москвагай Бүхы Гэгээнүүдэй һүмэдэ мүргэдэг бэлэй. Тэндэл аминһаа нүгшэһэн хойнонь тэрэниие хүдөөлүүлгэдэ бэлдээ. Иван Александрович Благовещенск тосхондо хүдөөлүүлээтэй.

И. А. Глухов һурагшадтаа бэхи мэдэлгэ үгэхые оролдодог, шалгалтануудые шэрүүнээр абадаг хатуу шаардалгатай багша һэн. Жэшээлбэл, оюутануудынь Нангин Бэшэгһээ хэдэн зуун мэргэн үгэнүүдые һанаагаараа хадуужа абаха ёһотой байгаа. Семинариин нэгэдэхи ангида үгтэдэг Катихизис – үнэн алдарта шажанай үзэл бүридүүлдэг анханай һуури табидаг хэшээл – оюутануудай хамагай дуратай  хэшээл болодог бэлэй. Тэрэниие шудалһанай һүүлдэ бусад хэшээлнүүд хүнгэнөөр үгтэдэг һэн. Һурагшадынь тэрэнэй хэшээлые харгы замай хүдэлгөөнэй хуули журамтай жэшээлдэг бэлэй, тэдэниие мэдэжэ абаһан хүндэ ажамидаралай тухирхай аян замда һанаа амар гаража болохо. И.А.Глухов шагнагшадайнгаа эрхим һайн шанарнуудта хандан, Үнэн зүйлдэ шэглүүлэн, сэдьхэл бодолнуудыень Үнэн алдарта һургаалаар гэгээрүүлхэнь хэшээлнүүдэйнь гол удха гэжэ үзэдэг бэлэй. Тэрэ гэгээн эсэгэнэрэй үзэлнүүдые хатуугаар баримталжа байгаа, тиин экуменист болон гэгээн алдарта бусад шажанай түлөөлэгшэдтэй хөөрэлдэхэдэнь, тэрэнь бүри элеэр тодорхойлогдодог бэлэй. И. А. Глуховой хэшээлнүүдые шагнаһан зон тэрэниие аргагүй ехэ мэдэбэритэй, тиин тэрэ мэдээсэлнүүдээрээ оюутануудтайгаа элбэг дэлбэгээр хубаалсадаг, хүнүүдтэ ехэ анхаралтайгаар хандадаг эрхим һайн багша байгаа гэжэ тэрээн тухай дулаанаар дурдадаг.

Уншагшадай анхаралда хандуулагдажа байһан «Үнэн алдартанай катихизис» болбол үнэн алдартанай һүзэглэлые шудалха дэлгэрэнгы хүтэлбэри болоод, һүзэг этигэл, найдалга, мүн хайра дуран тухай һургаалые заабарилна. Христиан шажанай һүзэг этигэл тухай һургаал һүзэг этигэлэй Бэлгэ тэмдэг соо тобшохоноор үгтэнэ. Тэрээн соо гол шухала христиан шажанай үнэн зүйлнүүд булта фокустол толитоно. Христиан шажанай найдалга тухай һургаал болбол зальбаралнууд соо, жэшээлбэл, «Манай Эсэгэ» гэһэн Дээдын Эзэнэй зальбарал соо, Жаргалангай Захяа заабаринууд соо үгтэнэ. Христиан шажанай хайра дуран тухай һургаал Бурханай Хуули соо, үгы һаа Арбан үгэ соо үгтэнэ.

И. А. Глуховой «Үнэн алдартанай катихизис» Үнэн алдарта шажанай һуури тайлбарилһан заабари болоно. Энэ бүтээл нэгэ талаһаа гэгээн эсэгэнэрэй бүтээлнүүдтэй нягта зохиһон аад, нүгөө талаһаа зохёолшоной сэдьхэл бодолой гүн байдалые, тэрэнэй яажа Бурханда һүзэглэжэ, найдажа, хайра дуратай байһыень, мүн шагнагшадайнгаа сэдьхэл бодолдо тиимэл үзэлнүүдые бадараан бэхижүүлхэ гэһэн ханалгатай зорилгыень толитуулан харуулна.



Другие книги этой категории:

  • English English
    Orthodox Catechism
     
  • Deutsch Deutsch
    Orthodoxer Katechismus
     
  • Italiano Italiano
    La Catechesi ortodossa
     
  • Español Español
    El Catecismo Ortodoxo
     
  • Svenska Svenska
    Den Ortodoxa Katekesen
     
  • Suomi Suomi
    Ortodoksinen katekismus
     
  • Български Български
    Православен катехизис
     
  • Magyar Magyar
    Pravoszláv katekizmus
     
  • Ελληνικά Ελληνικά
    Ορθόδοξη κατήχηση
     
  • Română Română
    Catehismul ortodox
     
  • Eesti Eesti
    Õigeusu katekismus
     
  • Українська Українська
    Православний катихiзiс
     
  • Беларуская Беларуская
    Праваслаўны катэхізіс
     
  • ქართული ქართული
    მართმადიდებლური კატეხიზმო
     
  • հայերեն հայերեն
    Ուղղափառ կատախիզիս
     
  • Azərbaycan Azərbaycan
    Pravoslav katixizisi
     
  • Лезги Лезги
    Православидин катихизис
     
  • Нохчийн Нохчийн
    Керстанан катихизис
     
  • Қазақ Қазақ
    Православилік катихизис
     
  • Кыргыз Кыргыз
    Православ катихизис
     
  • Чӑваш Чӑваш
    Православи катехизисĕ
     
  • Татар Татар
    Православие катихизисы
     
  • Башҡорт Башҡорт
    Православие ҡатихизисы
     
  • Буряад Буряад
    Үнэн алдарта шажанай катихизис
     
  • kalmyk kalmyk
    Үнн алдртын сурһалин чимг
     
  • Саха Саха
    Православнай катихизис
     
  • فارسی فارسی
    اصول و تعاليم مسيحيت ارتدوكس
     
  • 한국어 한국어
    정교회 교리서
     
  • Việt Việt
    Sách giáo lý Chính thống giáo